ABŞ və Azərbaycan Cənubi Qafqazda sülhə təkan verən 8 milyard dollarlıq texnoloji sazişlər imzalayıb

Samir Şərifov

ABŞ şirkətləri süni intellekt və bulud hesablamaları sahəsində əməkdaşlığı genişləndirmək üçün Azərbaycanla 8 milyard dollardan çox (6,3 milyard funt sterlinq) dəyərində texnoloji sazişlər imzalayıblar, Amerika rəsmiləri bildirib.

Ötən ay Bakı Enerji Həftəsi və ABŞ-Azərbaycan İqtisadi Dialoqu çərçivəsində imzalanmış sazişlər iyulun 1-də Bakıda keçirilən qəbul zamanı ABŞ-ın müvəqqəti işlər vəkili Emi Karlon tərəfindən vurğulanıb.

ABŞ-ın Müstəqillik Bəyannaməsinin qarşıdan gələn 250-ci ildönümünü qeyd edən tədbirdə çıxış edən Karlon sərmayələrin Cənubi Qafqaz regionunu “sülhə doğru dönməz yola” salmağa kömək edəcəyini deyib.

“Biz Azərbaycan xalqını bu işdə etibarlı tərəfdaşımız kimi görürük”, - deyən Karlon kommersiya sazişləri ilə yanaşı, təhlükəsizlik sahəsində daha dərin əməkdaşlığa işarə edib.

O, ötən ilin avqustunda Vaşinqtonda Azərbaycan və Ermənistan arasında otuz illik münaqişədən sonra tarixi sülh müqaviləsinin paraflanmasına toxunub.

Regional sabitləşmənin əsas elementi Beynəlxalq Sülh və Rifah üçün Tramp marşrutu (TRIPP) layihəsidir. Nəqliyyat dəhlizi materik Azərbaycan və onun Naxçıvan MR anklavı arasında Ermənistan ərazisindən maneəsiz tranzit əlaqə yaratmaq üçün nəzərdə tutulub.

Error 500 (Server Error)!!1500.That’s an error.There was an error. Please try again later.That’s all we know.

Error 500 (Server Error)!!1500.That’s an error.There was an error. Please try again later.That’s all we know.