Prokuror T. Sadıqlının Əmisi üçün Həbs Cəzası İstəyib

Tural Sadıqlı

Azərbaycanda prokuror müxalif bloger Tural Sadıqlının əmisi Elmir Sadıqovun qanunsuz silah dövriyyəsi işi üzrə üç il azadlıqdan məhrum edilməsini istəyib. Müdafiə tərəfi E. Sadıqovun təqibini əsassız hesab edir və məhkəmədən ona bəraət verilməsini xahiş etmək niyyətindədir.

Sentyabrın 26-da Bakının Sabunçu Rayon Məhkəməsində E. Sadıqovun işi üzrə keçirilən prosesdə dövlət ittihamçısı yekun sözlə çıxış edərək məhkəmədən E. Sadıqovun 3 il müddətinə azadlıqdan məhrum edilməsini xahiş edib.

E. Sadıqov ittihamları rədd edir.

Onun qardaşı, hüquq müdafiəçisi Əlövsət Sadıqlı bildirib ki, Elmir Sadıqova qarşı irəli sürülən ittihamlar saxtalaşdırılıb və müttəhim Avropada siyasi mühacirətdə olan qardaşı oğlu, müxalif bloger Tural Sadıqlının Azərbaycan hökumətini tənqid etməsinin qisası məqsədilə təqib edilir.

E. Sadıqov bu ilin aprel ayında "qanunsuz silah saxlama" ittihamı ilə həbs olunub.

Daxili İşlər Nazirliyi (DİN) E. Sadıqovun həbsini şərh etməyi