AXCP müxalifətçi Murad Sultanın yoxa çıxdığını bəyan edib

Murad Sultan

17 dekabr 2025-ci il

Azərbaycan Xalq Cəbhəsi Partiyasının (AXCP) Nəzarət-Təftiş Komissiyasının sədri Murad Sultan dekabrın 16-sı günortadan etibarən əlaqə saxlamır. Bu barədə partiyanın mətbuat xidmətindən məlumat verilib.

«Murad Sultanın mobil telefonuna zəng çatmır. Adətən belə "yoxa çıxmalardan" sonra fəalların hər hansı güc strukturunun ixtiyarında olduğu məlum olur. Ona görə də hesab edirik ki, Murad Sultan saxlanılıb», — deyə mətbuat xidmətindən bildirilib.

Murad Sultanın yoxa çıxması son həftələr ərzində AXCP-nin bir sıra üzvlərinin, o cümlədən partiya lideri Əli Kərimlinin həbsləri fonunda baş verib.Murad Sultan