Heyvan Haqları Müdafiəçisi Elxan Mirzəyev İki Aylıq Həbs Edildi

Elxan Mirzəyev

Oktyabrın 1-də Lənkəran rayonundakı evindən mülki geyimli şəxslər tərəfindən aparılan heyvan haqları müdafiəçisi Elxan Mirzəyevin taleyi Azərbaycanda aydınlaşıb.

Məlum olub ki, hələ oktyabrın 3-də Lerik Rayon Məhkəməsi onu Azərbaycan Respublikası İnzibati Xətalar Məcəlləsinin 206-cı maddəsi (Narkotik vasitələrin, psixotrop maddələrin qanunsuz istehlakı, hazırlanması, əldə edilməsi, saxlanılması, daşınması və ya göndərilməsi, satış məqsədi olmadan, şəxsi istehlak üçün zəruri olan miqdarda) ilə təqsirli bilərək iki ay müddətinə inzibati həbs cəzasına məhkum edib. Bu barədə fəalın yaxınları məlumat veriblər.

Mirzəyev bu absurd ittihamı qətiyyətlə rədd edir, onun qohumu bildirib.

Fəal, siyasi mühacirətdə olan müxalif bloger Tural Sadıqlının əmisi oğludur.

Oktyabrın 1-də blogerin əmisi Elmir Sadıqov qanunsuz silah saxlama ilə bağlı cinayət işi üzrə 2,5 il müddətinə azadlıqdan məhrum edilib.

T. Sadıqlı qohumlarının həbsini Azərbaycan hökumətini tənqid etməsi ilə əlaqələndirib.